ფინანსთა სამინისტროს საგამოძიებო სამსახურის ცნობით, სისხლის სამართლის საქმეზე მიღებული ოპერატიული ინფორმაციის საფუძველზე, აჭარასა და თბილისში ჩატარდა მასშტაბური საგამოძიებო მოქმედებები ე.წ. „ქოლცენტრების“ სავარაუდო დანაშაულებრივ საქმიანობასთან დაკავშირებით.
გამოძიების ფარგლებში ამოღებულია სხვადასხვა სახის ტექნიკა, რომელიც შეიცავს ელექტრონულ ინფორმაციას, ასევე მნიშვნელოვანი დოკუმენტაცია, რაც გამოძიებისთვის არსებით მტკიცებულებებს წარმოადგენს.
მომხდართან დაკავშირებით გამოძიება მიმდინარეობს საქართველოს სისხლის სამართლის კოდექსის 180-ე (თაღლითობა), 192-ე (უკანონო მეწარმეობა), 194-ე (ფულის გათეთრება) და 218-ე (პირის რეკრუტირება უცხო ქვეყანაში ტრეფიკინგის მიზნით) მუხლებით.
“ფინანსთა სამინისტროს საგამოძიებო სამსახური, მაღალი საზოგადოებრივი ინტერესის გათვალისწინებით, აცხადებს, რომ საზოგადოებას ეტაპობრივად მიეწოდება ინფორმაცია გამოძიების მიმდინარეობისა და შედეგების შესახებ,” – წერია უწყების მიერ გავრცელებულ ინფორმაციაში.
