აჭარაში, სამართალდამცავმა, სტუმრად ყოფნისას, დაზარალებულ კაცს დანის გამოყენებით მიაყენა დაზიანება ხელის არეში, ამის შესახებ სპეციალური საგამოძიებო სამსახური იტყობინება.
უწყების ინფორმაციით, მომხდარი ფაქტის შემდგომში, ავტომანქანაში ბრალდებულმა დაზარალებულს ჩანთა დაარტყა შუბლის არეში, რის შედეგადაც მას სხეულზე დაზიანება მიაყენა.
“გამოიკითხა დაზარალებული, დაზარალებულის ოჯახის წევრი და საქმესთან შემხებლობაში მყოფი სხვა პირები, მოპოვებული იქნა ელექტრონული ინფორმაცია და დანაშაულში მამხილებელი სხვა მტკიცებულებები, რის შემდეგაც, საქართველოს პროკურატურის დადგენილებით სამართალდამცავს, ბრალდება ძალადობის ორი ეპიზოდისთვის წარედგინა. სპეციალური საგამოძიებო სამსახური საქმეზე გამოძიებას საქართველოს სისხლის სამართლის კოდექსის 126-ე მუხლით აგრძელებს,” – წერია სპეციალურმა საგამოძიებო სამსახურის მიერ გავრცელებულ ინფორმაციაში.
