საქართველოს პროკურატურამ პირადი ცხოვრების საიდუმლოს უკანონოდ მოპოვების, შენახვისა და გავრცელების ფაქტზე ერთი პირი დააკავა.
აჭარის პროკურატურის ინფორმაციით, ჩატარებული გამოძიებით დადგინდა, რომ ბრალდებულმა მეუღლესთან თანაცხოვრების პერიოდში უკანონოდ მოიპოვა და შეინახა მისი პირადი ცხოვრების საიდუმლოს ამსახველი ვიდეოჩანაწერი. გამოძიების მასალების მიხედვით, აღნიშნული ვიდეო მოგვიანებით სოციალური ქსელის საშუალებით სხვა პირს გაუგზავნა.
დაკავებულს ბრალდება საქართველოს სისხლის სამართლის კოდექსის 157-ე პრიმა მუხლის პირველი ნაწილით წარედგინა, რაც პირადი ცხოვრების საიდუმლოს უკანონოდ მოპოვებას, შენახვასა და გავრცელებას გულისხმობს და სასჯელის სახით 7 წლამდე თავისუფლების აღკვეთას ითვალისწინებს.
სასამართლოს გადაწყვეტილებით, ბრალდებულს აღკვეთის ღონისძიების სახით პატიმრობა უკვე შეეფარდა.
