ონლაინ მედია “აჭარა თაიმსი” წინასაარჩევნო პერიოდში, აჭარის უმაღლესი საბჭოს არჩევნებთან დაკავშირებულ საკითხებს აქტიურად აშუქებდა. გვქონდა მცდელობები ჩვენი აუდიტორიისთვის თითოეული მხარის პოზიციისა და ხედვების გაცნობისა.
ამ მიზნის ფარგლებში, შევთავაზეთ ინტერვიუ და კომუნიკაცია ყველა პოლიტიკურ პარტიას, რათა მათი ხედვები და გეგმები ღიად და პირდაპირ გაგვეცნო აუდიტორიისთვის. მიგვაჩნია, რომ ეს არის მნიშვნელოვანი პროცესის ნაწილი, რომლის მეშვეობითაც ვცდილობთ, რომ ჩვენი მკითხველი მრავალმხრივად ინფორმირებული იყოს.
შეთავაზებას მხოლოდ ოპოზიციური პარტიები გამოეხმაურნენ, მმართველი პარტიის წარმომადგენლებმა კი, ჩვენთან საუბარი არ ისურვეს.
ჩვენი აზრით, მედიისა და საზოგადოებისთვის პოლიტიკური სუბიექტების ღია კომუნიკაცია განსაკუთრებით მნიშვნელოვანია, რათა თითოეულ მოქალაქეს ჰქონდეს სრული წარმოდგენა იმაზე, თუ რა გადაწყვეტილებებს იღებენ ან აპირებენ მათი წარმომადგენლები.
ჩვენი მიზანია, უზრუნველვყოთ მიუკერძოებელი, დაბალანსებული და გამჭვირვალე ინფორმაცია და მივცეთ თანაბარი სივრცე ყველა მხარეს. გვსურს აუდიტორიამ იცოდეს, რომ “აჭარა თაიმსი” კვლავაც მზად არის დაუთმოს პლატფორმა თითოეულ პოლიტიკურ სუბიექტს, რათა ჩვენი რეგიონი და მთელი ქვეყანა იყოს მაქსიმალურად ინფორმირებული.
პოლიტიკური პარტიები, რომლებიც ჩვენ ინტერვიუზე დაგვთანხმდნენ, მოისმინეთ მათი პოდკასტები:
- პოდკასტი: გია აბულაძე
- პოდკასტი: მირდატ ქამადაძე
- პოდკასტი: ნინო ჩხეტია
- პოდკასტი: როლანდ შავაძე
