AJARATIMES.GE-ის ინფორმაციით, ბათუმის მერს ავტოსაგზაო შემთხვევა მოუვიდა. ამ წუთებში ბარათაშვილის ქუჩაზე პოლიციელები იმყოფებიან და საგამოძიებო მოქმედებები მიმდინარეობს. შემთხვევა იმ დროს მოხდა, როდესაც არჩილ ჩიქოვანი საცხოვრებელი სახლიდან გამოდიოდა.
წყარო შემთხვევის ადგილიდან გვიყვება, რომ ავარიის შემდეგ მანქანას, რომელსაც არჩილ ჩიქოვანი იყენებს კვალის არევის მიზნით, სანომრე ნიშნები მოხსნეს.
ამ ეტაპზე ჩვენთვის უცნობია რა გახდა შემთხვევის გამომწვევი მიზეზი, ასევე უცნობია ვინ მართავდა საჭეს. ჩვენ დავუკავშირდით ბათუმის მერიის საზოგადოებასთან ურთიერთობის სამსახურის ხელმძღვანელს, რომელმაც ფაქტი დაგვიდასტურა, თუმცა დამატებით კითხვებზე არ გვიპასუხა.
“ვადასტურებთ შემთხვევას, სხვა ავტომობილი დაეჯახა ბატონ მერს. სამსახურეობრივი ავტომობილი დაზღვეულია” – გვითხრეს მერიაში.
შინაგან საქმეთა სამინისტროში განმარტეს, რომ მომხდარ ფაქტზე ადმინისტრაციული სამართალწარმოება დაიწყო.
ინფორმაციისთვის: აღნიშნული ავტომობილი არჩილ ჩიქოვანმა „სანდასუფთავების სამსახურის“ ბიუჯეტით იყიდა, რასაც თავის დროზე კრიტიკა მოჰყვა.
