დღეს, 17 იანვარს, ჟურნალისტებმა აჭარის პოლიციის მთავარ სამმართველოსთან აქცია გამართეს, რომლის დროსაც მედიის წარმომადგენლებმა კიდევ ერთხელ გამოხატეს თავიანთი პოზიცია და მოითხოვეს აჭარის პოლიციის უფროსის, ირაკლი დგებუაძის, უფლებამოსილების შეჩერება მანამ, სანამ საგამოძიებო პროცესი არ დასრულდება.
რეპორტიორები აცხადებენ, რომ მათთვის შეშფოთების საგანია მზია ამაღლობელის დაკავება, რომელიც პოლიტიკურ პატიმრად მიიჩნევა. მათი შეფასებით, მისი დაკავება და დაპატიმრება იყო პროვოკაციის შედეგი, რაც, მათი თქმით, წამოიწყო ხელისუფლებამ.
„ჩვენ ვთვლით, რომ მზია ამაღლობელი არის პოლიტპატიმარი. მისი დაკავება არ არის მხოლოდ სამართლებრივი საკითხი, არამედ პოლიტიკური ანგარიშსწორების ნაწილია,“ – აცხადებენ ჟურნალისტები.
მათივე თქმით, სანამ არ დასრულდება საგამოძიებო პროცესი და არ გახდება ცნობილი, რატომ და როგორ მოხდა მზია ამაღლობელის დაკავება, ირაკლი დგებუაძის თანამდებობიდან გადადგომა აუცილებელია.
https://www.facebook.com/ajaratimes/videos/1336262277568558/
მზია ამაღლობელი მოსამართლე ნინო სახელაშვილმა პატიმრობაში დატოვა
