ახალგაზრდებმა სპეციალურ საგამოძიებო სამსახურს მიმართეს, ამის შესახებ ისინი სოციალურ ქსელში წერენ. მათი თქმით, ანტირუსული საპროტესტო აქციების ერთ-ერთ ორგანიზატორს ფიზიკური ანგარიშსწორებით ემუქრებიან.
როგორც ისინი აღნიშნავენ სტუდენტ მათე ცენტერაძის მიმართ განხორციელებულ მუქარის ფაქტებზე საგამოძიებო ორგანოში განცხადება უკვე შეიტანეს.
“რუსული კანონის მიმართ გამოხატული პროტესტის და ხელისუფლების კრიტიკის გამო, 2024 წლის მაისის ბოლოს და ივნისის დასაწყისში, მათე ცენტერაძის მიმართ უწყვეტად ხორციელდებოდა ფიზიკური ანგარიშსწორების მუქარა. მოვითხოვთ გამოძიების დაწყებას სისხლის სამართლის კოდექსის 156-ე მუხლით (დევნა აზრის გამოხატვის და პოლიტიკური საქმიანობის გამო),” – აცხადებენ ახალგაზრდები.
ინფორმაციისთვის: ბსუ-ს სტუდენტი მათე ცენტერაძე ანტირუსული აქციების ორგანიზატორია, ის ასევე, პარტია “საქართველოსთვის” ახალგაზრდული ორგანიზაციის ხელმძღვანელია.
