სტუდენტებმა საპროტესტო აქცია დღესაც დაანონსეს. მათი თქმით, აჭარაში პროტესტი ისევ გრძელდება და მსურველებს საღამოს 19:00 საათზე ბსუ-სთან ელოდებიან.
“თბილისში ჩვენს გამო ჩვენს თანამოქალაქეებს სცემენ… ჩვენთვის მებრძოლმა თანამოქალაქეებმა ბათუმის მხარდაჭერა უნდა იგრძნოს, ბათუმმა თავისი ღირსეული სოტყვა უნდა თქვას! გელოდებით, 2 მაისს, საღამოს შვიდ საათზე, ბათუმის სახელმწიფო უნივერსიტეტის კიბეებთან. გააგებინეთ ყველას, მეგობრებს, ნათესავებს, ოჯახის წევრებს, კურსელებს, კლასელებს, ლექტორ-მასწავლებლებს, კოლეგებს და ერთად ვუთხრათ კი საქართველოს განვითარებას, საქართველოს ევროპულ მომავალს,” – წერია სტუდენტების მიმართვის ტექსტში.
