AJARATIMES.GE-ის ინფორმაციით, ბათუმში ახალგაზრდა კაცი დაჭრეს. შემთხვევა გვიან ღამით, ინასარიძის ქუჩაზე მოხდა.
ფაქტის თვითმხილველი გვიყვება, რომ ახალგაზრდა კაცს თავის არეში ჯოხი ურტყეს, მოგვიანებით კი ბარძაყის არეში დანით ჭრილობა მიაყენეს.
დაშავებული ახალგაზრდა საპატრულო პოლიციამ ბათუმის რეფერალურ საავადმყოფოში გადაიყვანა, სადაც მას სამედიცინო დახმარება გაუწიეს.
AJARATIMES.GE-ის შსს-ში განუცხადეს, რომ დაკავებულია ორი პირი და ფაქტზე გამოძიება სსკ 120-ე მუხლით მიმდინარეობს.
