ბათუმში, ბაგრატიონის ქუჩაზე ახალი სკვერის მშენებლობა დაიწყო, ინფორმაციას ამის შესახებ მერია ავრცელებს. უწყების ცნობით, ახალ რეკრეაციულ სივრცეში საბავშვო ატრაქციონები, საპარკო ინვენტარი და სპორტული ტრენაჟორები განთავსდება, ასევე, იგეგმება ოთხფეხა მეგობრებისთვის სპეციალური სივრცის მოწყობა.
პროექტის თანახმად, აღნიშნული ტერიტორიის ირგვლივ მიმდინარეობს ველობილიკისა და გარეგანათების სისტემის მონტაჟი. პროექტის ღირებულება 2 მილიონამდე ლარს შეადგენს. მერიაში განმარტავენ, რომ სამუშაოები მომდევნო წლის მაისში დასრულდება.
