ამ წუთებში ბათუმში, აღმაშენებლის ქუჩაზე, საგამოძიებო მოქმედებები მიმდინარეობს. „აჭარა თაიმსის“ ინფორმაციით, მოსამართლის განჩინების საფუძველზე, ბათუმის ყინულის მოედნის ერთ-ერთი თანამშრომლის საცხოვრებელ სახლში ჩხრეკა ტარდება.
ჩვენი ინფორმაციით, საგამოძიებო ღონისძიებების ფარგლებში სავარაუდოდ, დაკავებულია პირი, რომლის სახლშიც ჩხრეკა მიმდინარეობს.
ამ ეტაპზე უცნობია, რას უკავშირდება შესაძლო დაკავება და რა მუხლით მიმდინარეობს გამოძიება. „აჭარა თაიმსმა“ ასევე გაარკვია, რომ აღნიშნული პირი სამედიცინო პერსონალის ერთ-ერთი თანამშრომელია.
„დაზუსტებით შეგვიძლია გითხრათ, რომ სპორტული ცენტრის, როგორც ორგანიზაციის, ოფიციალურ საქმიანობას არ უკავშირდება,“ – განუცხადეს „აჭარა თაიმსს“ ადმინისტრაციაში.
