ხელვაჩაურის მერიამ მუნიციპალიტეტში არსებული საჯარო სკოლების მეთორმეტე კლასელებს ბოლო ზარი გადაუხადა, რისთვისაც 16 ათას ₾არამდე ბიუჯეტიდან გამოიყო. ფინანსები, როგორც უწყებაში განმარტავენ “ახალგაზრდული ღონისძიებების ორგანიზებას” მოხმარდა.
მოსწავლეებმა და ჩინოვნიკებმა მუნიციპალიტეტის მერიის განათლებისა და კულტურის სამსახურის, ახალგაზრდულ საქმეთა განყოფილების ინიციატივით მოილხინეს.
“ღონისძიებაში მუნიციპალიტეტის საჯარო სკოლის კურსდამთავრებული მოსწავლეები და პედაგოგები მონაწილეობდნენ, ახალგაზრდებმა მათ მიერ დადგმული პროგრამა წარმოადგინეს,” – აცხადებენ ხელვაჩაურის მერიაში.
ფოტოების მიხედვით ირკვევა, რომ მუნიციპალიტეტის მერიის თანამშრომლებთან ერთად, აჭარის განათლების, კულტურისა და სპორტის მინისტრმა მაია ხაჯიშვილმა და საქართველოს პარლამენტის მაჟორიტარმა დეპუტატმა ანზორ ბოლქვაძემაც იქეიფეს.
ბანკეტი საქორწილო დარბაზ “ვოისში” გაიმართა, სადაც დაახლოებით 200 ადამიანი იმყოფებოდა. რის მიხედვით და რის საფუძველზე შეადგინეს სტუმართა სია? ხელვაჩაურის მერიისგან კითხვაზე პასუხს ველოდებით.
ინფორმაციისთვის:
- ღონისძებისთვის საჭირო დარბაზის ქირავნობა – 8 600 ₾არი;
- ღონისძიების პროგრამისა და წამყვანის მომსახურების უზრუნველყოფა – 3 150 ₾არი;
- ფოტოგრაფის მომსახურება და GIF აპარატი – 2 450 ₾არი;
- ბანერის დაზადება – 375 ₾არი;
- წამახალისებელი საჩუქარი: ბათუმში არსებულ რესტორანში 50 ლარიანი ვაუჩერი – 750 ₾არი.
