„ბათუმის დამოუკიდებელი ცხოვრების ცენტრი“ 300-მდე შშმ პირს დაუკავშირდა და გამოავლინა მათი გადაუდებელი საჭიროებები, რაც ბოლო პერიოდში დიდთოვლობის გამო შეიქმნა. ფინანსური დახმარება შესაძლებელია ორგანიზაციის საბანკო ანგარიშზე, ხოლო მატერიალური ნივთები – ორგანიზაციის ოფისში.
ორგანიზაცია მოუწოდებს ყველა სამთავრობო და არასამთავრობო ორგანიზაციას, ბიზნეს სექტორს და მოქალაქეებს, დაეხმარონ პირველადი საკვები პროდუქტების, სასმელი წყლის, მედიკამენტების, ჰიგიენური საშუალებების და სხვა საჭიროებების დაკმაყოფილებაში.
“ბოლო კვირების განმავლობაში დასავლეთ საქართველოში დაფიქსირებული დიდთოვლობის და აქედან გამომდინარე მოსახლეობისთვის, განსაკუთრებით შეზღუდული შესაძლებლობის მქონე (შშმ) პირებისთვის შექმნილი სირთულეების გამო ა(ა)იპ ,,ბათუმის დამოუკიდებელი ცხოვრების ცენტრი” ოპერატიულად დაუკავშირდა ორგანიზაციის 300-მდე მომხმარებელს აჭარის რეგიონში და გამოავლინა მათი გადაუდებელი საჭიროებები, კერძოდ:
- 16 პირს/ოჯახს ესაჭიროება პირველადი საკვები პროდუქტები;
- 2 პირს/ოჯახს ესაჭიროება სასმელი წყალი;
- 9 პირს ესაჭიროება სხვადასხვა სახის მედიკამენტები (მათ შორის ტკივილგამაყუჩებლები);
- 6 პირს ესაჭიროება ჰიგიენური საშუალებები (მაგ. ,,პამპერსი”, ჭრილობის შესახვევი დოლბანდები და ა.შ.)
- 7 პირს ესაჭიროება სატრანსპორტო მომსახურება და სხვა სახის მხარდაჭერა (ექიმთან ვიზიტი, რეაბილიტაციის პროცედურების გავლა, სხვადასხვა სახის ტექნიკის შეკეთება და სხვა).
სამწუხაროდ ზემოთაღნიშნული 40-მდე საჭიროების დაკმაყოფილებას ამ ეტაპზე ვერ ახერხებენ შესაბამისი მუნიციპალიტეტები.
ამიტომ ორგანიზაცია მოუწოდებს ყველას, სამთავრობო და არასამთავრობო სექტორს, ფიზიკურ და იურიდიულ პირებს, მათ შორის ბიზნეს სექტორს მათი შესაძლებლობის ფარგლებში დაგვეხმარონ შშმ პირთა ზემოთაღნიშნული საჭიროებების დაკმაყოფილებაში.თანხობრივი მხარდაჭერის გამოხატვა შეგიძლიათ აქვე მითითებულ ორგანიზაციის TBC ბანკის საბანკო ანგარიშზე: GE40TB7143936020100007; გარდა ამისა სურვილის შემთხვევაში მითითებული ნივთები, პროდუქტი შეგიძლიათ მატერიალური სახით მოიტანოთ ორგანიზაციის ოფისში, სამუშაო დღეებში, 11:00-18:00 საათებში, მის. :ბათუმი, ლერმონტოვის ქ.N67/69,” – წერს სოციალურ ქსელში რამინ მაჭარაშვილი.
