„დინამო ბათუმმა“ მთავარი მწვრთნელი, ანდრეი დემჩენკო დაითხოვა. ამის შესახებ ინფორმაციას, კლუბი ოფიციალურ გვერდზე ავრცელებს. დემჩენკოს გათავისუფლების გადაწყვეტილება, „თოლიების“ დირექტორთა საბჭომ მიიღო. დათხოვნის მიზეზად, 2024 წლის საფეხბურთო სეზონში ნაჩვენები არადამაკმაყოფილებელი შედეგები დასახელდა.
უკრაინელი სპეციალისტი „ბათუმელებს“ 2023 წლის 24 აგვისტოდან წვრთნიდა. მისი ხელმძღვანელობის პერიოდში, „დინამო ბათუმმა“ საქართველოს ჩემპიონატი, ისტორიაში, მეორედ მოიგო. ბათუმში გადმოსვლამდე დემჩენკო, 2021-2023 წლებში, „გორის დილას“ წვრთნიდა.
ავტორი: დიმიტრი გორგილაძე
