თურქეთში, 40 დღის ბათუმელი ბავშვის ოპერაცია ავთვისებიან სიმსივნეზე წარმატებით დასრულდა, ამის შესახებ მეზობელი ქვეყნის მედიასაშუალებები იტყობინებიან. მათივე ინფორმაციით, ოპერაცია ტრაბზონის ერთ-ერთ კლინიკაში გაკეთდა.
ექიმების თქმით, ახალშობილს თვალის უკან სიმსივნური წანაზარდი ჰქონდა. ბავშვს დიაგნოზი დაბადებიდან 15 დღეში დაუსვეს, მას თვალები ჰქონდა შეშუპებული. სპეციალისტები ამბობენ, რომ ავთვისებიანი სიმსივნე ადრეულ ასაკში გავრცელებულია.
მშობლების თქმით, ბიჭი მანამდე ბათუმის ერთ-ერთ კლინიკაში იყო მოთავსებული. ბავშვს ტრაბზონში, ოპერაციამდე შესაბამისი კვლევები ჩაუტარდა. სამედიცინო დაწერებულებაში განმარტავენ, რომ პატარა დათა თავს კარგად გრძნობს და ის რვა დღის შემდეგ ბინაზე გაწერეს.
“ბათუმში ყოფნისას მივხვდით რომ დროს ვკარგავდით. როგორც კი გავიგეთ თვალის შეშუპება სიმსივნურ წანაზარდს უკავშირდებოდა ეგრევე თურქეთში ტრანსპორტირება გადავწყვიტეთ. ბედნიერი ვართ რომ ყველაფერი კარგად დასრულდა, ყველას ძალიან დიდი მადლობა,” – განაცხადა დათას მამამ თურქულ მედიასაშუალებებთან საუბრისას.
