„ჩვენი ინფორმაციით, ლევან ვარშალომიძე ყაზახეთში დააკავეს, როდესაც ის აეროპორტში საზღვრის გადაკვეთას ცდილობდა. წინასწარი მონაცემებით, ეს დაკავება შესაძლოა იყოს დაკავშირებული რუსეთის ფედერაციიდან მიღებულ ინფორმაციასთან, რომელიც ეხება სისხლის სამართლის საქმეს, რომელიც ლევან ვარშალომიძეს შეეხებათ და უკავშირდება მის პოლიტიკურ საკონსულტაციო საქმიანობას უკრაინის ხელისუფლებასთან,“ – განაცხადა ლევან ბეჟაშვილმა მედიასთან საუბრისას.
ბეჟაშვილი განმარტავს, რომ არსებობს ექსტრადიციის საფრთხე, ამიტომ ამჟამად მათი ყველა რესურსი ჩართულია იმისათვის, რომ მჭიდროდ ითანამშრომლონ როგორც უკრაინის, ისე ყაზახეთის ხელისუფლებებთან. მიზანი არის იმის უზრუნველყოფა, რომ ყაზახეთის ხელისუფლებამ მიიღოს შესაბამისი გადაწყვეტილება, რომელიც ემსახურება საქართველოსა და ყაზახეთის საუკეთესო ინტერესებს.
„ყველასათვის ცხადია, რომ რუსეთის ფედერაციის მხრიდან აღძრული სისხლის სამართლის საქმე აბსოლუტურად უსაფუძვლოა, და გასაგებია, რატომაც არის იგი წამოწყებული. ამიტომ, საჭიროა სწორი კომუნიკაცია, რათა თავიდან ავიცილოთ ლევან ვარშალომიძის უკანონო დაკავება,“ – განაცხადა ლევან ბეჟაშვილმა.
