გარემოსდაცვითი ზედამხედველობის დეპარტამენტის თანამრომლებმა, უკანონო ტყითსარგებლობასთან ბრძოლის ფარგლებში, აჭარაში უკანონო სახერხი საამქროები გამოავლინეს, ამის შესახებ ინფორმაციას უწყება ავრცელებს.
მათივე ინფორმაციით, მაღალმთიან აჭარაში, 2 სახერხი საამქრო შუახევის მუნიციპალიტეტის სოფლებში – მახალაკიძეებსა და ჭვანაში დალუქეს. მოქალაქეებს ლენტური ტიპის სახერხი დანადგარები საკარმიდამო ეზოებში, სპეციალურად მოწყობილ შენობა-ნაგებობებში ჰქონდათ დამონტაჟებული.
“ვინაიდან ფაქტები შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებებში გადაიგზავნა,” – წერია უწყების მიერ გავრცელებულ ინფორმაციაში.
