თბილისში, მმართველი პარტიის მიერ დაანონსებულ აქციაზე დასასწრებად ბათუმიდანაც მიემართებიან. საჯარო სამსახურში დასაქმებულების მობილიზება დილიდან, განათლების სამინისტროს მიმდებარე ტერიტორიაზე მიმდინარეობდა. საჯარო მოხელეები კამერების წინ საუბარს ერიდებიან, შესაბამისად ჩნდება განცდა, რომ მათი დიდი ნაწილი “ქართულ ოცნებას” პარტიულ ღონისძიებაზე იძულებით მიჰყავს.
“ქართული ოცნების მხარდამჭერი ვარ და მივდივარ ქართული ოცნების წინასაარჩევნო კამპანიას უნდა დავესწრო,” – გვითხრა გოჩა დავითაძემ, რომელიც ბათუმის რესურსცენტრის დირექტორია.
პედაგოგებისა და განათლების სფეროში დასაქმებულების შეკრების ორგანიზებას რესურს ცენტრის დირექტორი და განათლების მინისტრის პირველი მოადგილე პირადად ხელმძღვანელობენ.
“ავიღეთ შვებულება, ვინც მივდივართ ქართული ოცნების საარჩევნო შეხვედრაზე. ეს არის პარტიული პროცესი და მასში ვიღებ მონაწილეობას, პირველად გესმის? მხარს ვუჭერთ ამ პარტიას,” – თქვან ჩვენთან საუბრისას ჯემალ სურმანიძემ, აჭარის განათლების მინისტრის პირველმა მოადგილემ.
