მოსამართლე მარინა ფოვაემამ 19 პირი ადმინისტრაციულ სამართალდამრღვევად ცნო და თითოეული მათგანი 5 ათასი ლარით დააჯარიმა. გადაწყვეტილებები ერთმანეთის იდენტური იყო.
საქმე ეხება პროევროპული აქციის მონაწილეების პროტესტს, რომლებიც ზებრა გადასასვლელზე ინტენსიურად მოძრაობდნენ და ამით ავტომობილების გადაადგილებას აფერხებდნენ.
პროცეს ადმინისტრაციულ სამართალდარღვევაში ბრალდებულთა უმრავლესობა არ დასწრებია, რადგან, მათი განცხადებით, არ სჯერათ სასამართლოს დამოუკიდებლობის და წინასწარ იცოდნენ, რა გადაწყვეტილებას მიიღებდა მოსამართლე.
დაჯარიმებული პირების ადვოკატების თქმით, ისინი სასამართლოს გადაწყვეტილებას ქუთაისის სააპელაციო სასამართლოში გაასაჩივრებენ. მათი შეფასებით, აღნიშნული გადაწყვეტილება უკანონოა, რადგან საქართველოს კანონმდებლობა ზებრაზე გადაადგილებას არ კრძალავს.
აღსანიშნავია, რომ პროტესტის მსგავსი ფორმა, რომელიც გზის გადაკეტვას არ ითვალისწინებს, დემოკრატიულ ქვეყნებში აპრობირებული მეთოდია და გამოხატვის თავისუფლების ნაწილად მიიჩნევა.
