პოლონეთში, ნასვამ მდგომარეობაში მყოფ საქართველოს მოქალაქეს ავტოსაგზაო შემთხვევა მოუხდა, ამის შესახებ ადგილობრივი მედიასაშუალებები წერენ. გამოცემების ცნობით, მანქანა, რომელსაც მძღოლი გადაჭარბებული სიჩქარით მართავდა ბორდიურს შეეჯახა და ამოყირავდა.
შემთხვევის ადგილზე პოლიცია მივიდა, რის შემდეგაც გაირკვა რომ საქართველოს მოქალაქე ნასვამ მდგომარეობაში იმყოფებოდა. ის პოლიციამ დააკავა. ირკვევა, რომ ის წარსულში ანალოგიურ შემთხვევაზე იყო ნასამართლევი. ამჯერად მას 5 წლიანი პატიმრობა ემუქრება.
