“ოცნება” არჩევნების საერთაშორისო გამოძიების წინააღმდეგია

“საშინაო გამოძიებას რას ერჩიან? საშინაო რომ იყოს რა პრობლემაა? რატომ არ ენდობიან? ასე არ ენდობოდნენ რუსთავი 2-ის საქმეზე სასამართლოს, ასე არ ენდობოდნენ გვარამიას, მელიას, სააკაშვილის საქმეზე. ხო აღმოჩნდა, რომ ეს იყო ცრუ ბრალდებები სასამართლოს მიმართ და ქართული მართლმსაჯულება იყო მართალი. მის მიმართ ბრალმდებელნი იყვნენ მტყუანი. ანუ ჩვენ ძალიან კარგი საშინაო გამოძიებები გვაქვს ყველაფერთან დაკავშირებით, თუ კი რაიმე საჭირო არის და უპირველეს ყოვლისა, აქ იგულისხმება საჩივრების განხილვა ცესკოში და ყველა ნახავს ამას და დააკვირდნენ და ნახონ ახლა კმაყოფილები იქნებიან თუ არა ამ განხილვებით.

რასაც საერთაშორისო გამოძიება სჭირდება და რაც ნამდვილად არის მათ იურისდიქციაში და შეუძლიათ, პირველი – გამოიძიონ ამერიკული კომპანია “ედისონ რისერჩის”. ხო ამერიკულია, თუ არ ვცდები? მის მიერ ეგზიტპოლის გაყალბება. ეს ხომ დადასტურდა რომ ეს გაყალბებულია, თქვენ ეჭვი გეპარებათ, რომ გაყალბებული არის? ხო დადასტურდა, რომ ეს არის გაყალბებული კვლევა და ახლა გამოიძიონ აბა რატომ გაყალბდა.

იდგა ამის უკან პოლიტიკური კორუფცია და გავლენები, იდგა ამის უკან ფულით კორუფცია ქრთამი, თუ რა იდგა? ფაქტია, რომ ეს იყო გაყალბებული ეგზიტპოლი და “ედისონ რისერჩმა” შეასრულა ის როლი, რაც ISFED ჰქონდა 2020 წელს, როდესაც ციფრებით აცდენით უნდა შემოეტანათ არეულობა საზოგადოებაში.

პირველი, შეუძლიათ გამოძიება “ედისონ რისერჩის” და მათ იურისდიქციაშია და კი ბატონო, გამოიძიონ გვაჩვენონ, კაი ობიექტური გამოძიება რა არის. მეორე, მე რამდენი ხანია ვამბობ, რომ ჯერ კიდევ ვალად ადევს ამერიკის ხელისუფლებას, რომ გამოიძიოს 2020 წელს პარალელური დათვლის შედეგებთან დაკავშირებით სინამდვილეში რა ხდებოდა. 

ჩვენ დადასტურებულად ვიცით, თუ არ გავყვებით იმ საკითხს, რომ თავად რიცხვები გაყალბდა თუ არა, დადასტურებულად რაც ვიცით ამ ეტაპზე საჯარო წყაროებით არის ის, რომ ISFED-მა ერთი თვის განმავლობაში იცოდა, რომ ის რიცხვები, რასაც ის ავრცელებდა, იყო ცრუ და მაინც ავრცელებდა და ამით აყალბებდა ზუსტად შედეგებს. და მეორე – ჩვენ დაზუსტებით ვიცით, რომ ISFED-ის დონორმაც იცოდა და ჩვენ პირად შეხვედრებზე გვატყუებდა, რომ ყველაფერი სწორი იყო და არანაირი შეცდომა იქ არ ყოფილა. აი ამის გამოძიება ნამდვილად შეუძლია კონგრესსაც და სენატსაც,” – განაცხადა შალვა პაპუაშვილმა.