ხულოს მუნიციპალიტეტის მერიის, მაღალმთიან დასახლებაში მცხოვრებ პირთა სტატუსის მართვის განყოფილების ინფორმაციით, 2023 წელ მაღალმთიან დასახლებაში მუდმივად მცხოვრები პირის სტატუსი 76 მიენიჭა, ხოლო 9 მოქალაქეს უარი ეთქვა.
მუნიციპალიტეტში ბოლო მონაცემებით, მაღალმთიან დასახლებაში მუდმივად მცხოვრები პირის სტატუსით 23 386 მოქალაქე სარგებლობს.
ცნობისთვის, მაღალმთიანი დასახლების სტატუსი ენიჭება დასახლებას, რომელიც ზღვის დონიდან 1500 მეტრის სიმაღლეზე ან მის ზევით მდებარეობს. დღეისათვის, საქართველოს 3 700 დასახლებიდან, მაღალმთიანი დასახლების სტატუსი მინიჭებული აქვს დაახლოებით ნახევარს.
ინფორმაციისთვის, მაღალმთიან დასახლებებში მუდმივად მცხოვრები მოქალაქეები მთელი რიგი სოციალური და საგადასახადო შეღავათებით სარგებლობენ.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
