ბათუმის მერიის ოფიციალურ ვებსაიტზე, სადაც თანამდებობის პირების შესახებ ინფორმაცია უნდა იყოს გსაჯაროებული, გაუმართავია.
თვითმმართველი ქალაქის ვებგვერდზე, მერიის სამსახურის უფროსების სამუშაო გამოცდილებისა და განათლების შესახებ ფაილის ბმულების მხოლოდ ნაწილია წარმოდგენილი.
ცნობისთვის, მოქალაქეს, გარდა ვებსაიტისა სხვა ალტერნატიული საშუალება რომ თანამდებობის პირებზე ინფორმაცია მიიღოს არ გააჩნია.
მაგალითისთვის, ქალაქგანვითარებისა და ურბანული პოლიტიკის სამსახურის უფროსის, მამუკა რამიშვილის შესახებ ინფორმაციის ველი მიუწვდომელია. შესაბამისად, ბათუმელებისთვის გაუგებარია თვითმმართველი ქალაქის ერთ-ერთი მნიშვნელოვანი სამსახურის უფროსს, რა სამუშაო გამოცდილება ან განათლება აქვს აღნიშნული თანამდებობისთვის.
იგივე პრობლემაა მუნიციპალური პოლიტიკის სამსახურის უფროსის, რუსუდან ჟორჟაძისა და მუნიციპალური ქონებისა და სერვისების მართვის სამსახურის, დავით კოპინაძის მიმართებით.
აღსანიშნავია, რომ ქალაქის მერიის დაქვემდებარებაში არსებული სხვა უწყებების უფროსების შესახებ ინფორმაცია სრულადაა გასაჯაროებული.
საკითხზე ajaratimes.ge-ს ბათუმის მერიაში განუმარტეს, რომ არსებული ვებგვერდი იხურება, რადგან მოძველებულია და რესურსები ამოწურულია.
“ახალი ვებგვერდი თითქმის მზადაა, სატესტო რეჟიმში მუშაობს და მალე იქნება საზოგადოებისთვის ხელმისაწვდომი. ახალ საიტზე ინფორმაცია სრულად იქნება წარმოდგენილი,”- გვითხრეს ბათუმის მერიაში.
