“აჭარა თაიმსი” რეგიონში მოქმედ არასამთავრობო ორგანიზაციებისა და პოლიტიკური პარტიების წარმომადგენლებს ესაუბრა და უშუალოდ მათგან მოისმინა თუ რა სახის საჩივრები დაიწერა საპარლამენტო და აჭარის უმაღლესი საბჭოს არჩევნებზე.
მათი შეფასებით, საჩივრები მეტწილად პროცედურული საკითხებს ეხებოდა. ამბობენ, რომ ოლქები და სასამართლო საჩივრებს საფუძვლიანად არ განიხილავდნენ, შედეგად მათი მოთხოვნები უგულვებელყოფილია.
საიას აჭარის ფილიალის ხელმძღვანელის, თამარ წულუკიძის თქმით, ბათუმისა და ხელვაჩაურის საქალაქო სასამართლოებმა არ დააკმაყოფილეს სარჩელები, რომლებიც არჩევნებზე ხმის მიცემის ფარულობის მასობრივ დარღვევას ეხებოდა.
“ყველა საჩივარის განხილვაზე მინიმუმ 10 წუთიანი დრო მოვითხოვე, რისი შესაძლებლობაც არ მომეცა. ჩემი, როგორც წარმომადგენის უფლებები დაირღვა, არგუმენტაციის საშუალება არ მომეცა,” – ამბობს ნიკა ქაშიბაძე, “ერთობა – ნაციონალური მოძრაობის” წარმომადგენელი.
