იტალიური მედიის ცნობით, საერთაშორისო დონეზე ძებნილი, კრიმინალური ავტორიტეტი მინდია გორაძე, რომელიც კრიმინალურ სამყაროში ცნობილია როგორც ე.წ. “კანონიერი ქურდი”, რომში, ჩიამპინოს აეროპორტში დააკავეს.
საქართველოს მოქალაქე, რომელსაც წარსულში ედებოდა ბრალი დანაშაულებრივი დაჯგუფების ორგანიზებასა და გადასახადების აცილებაში, სამართალდამცველების თვალთახედვის არეში უკვე წლებია იმყოფებოდა.
“მინდია გორაძე ცნობილი იყო, როგორც გავლენიანი ფიგურა ყოფილ საბჭოთა სივრცის კრიმინალურ სამყაროში. მისი ხელმძღვანელობით ხორციელდებოდა დაქირავებული დანაშაულები ოდესაში, სამხრეთ უკრაინასა და მის გარშემო რეგიონებში. ცნობილია, რომ 2021 წლის აგვისტოში, მისი მითითებით, მისმა სანდო პირებმა 350 ათასი დოლარი გამოსძალეს ერთ-ერთ პირს, სიცოცხლის მოსპობით მუქარით.
მისი სტატუსისა და როლის გათვალისწინებით, გორაძის სახელზე ორი საერთაშორისო დაპატიმრების ორდერია გამოცემული. პოლიციის მობილურმა ჯგუფმა ის ჩიამპინოს აეროპორტის ტერიტორიაზე, გერმანული ნომრების მქონე ავტომობილში მყოფი, წარმატებული ოპერაციის შედეგად დააკავა.
ოპერაცია ჩატარდა იტალიის სასაზღვრო პოლიციასა და პოლიციას შორის საერთაშორისო თანამშრომლობის სამსახურის კოორდინაციით. დაკავების შემდეგ მინდია გორაძე გადაიყვანეს რომის ციხე რეჯინა კოელი-ში, სადაც სისხლის სამართლის საქმის წარმოება გაგრძელდება,” – იტყობინება იტალიური მედია.
