საქსტატის მონაცემების თანახმად, 2025 წლის იანვარ-აპრილში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 2 014.4 მილიონი აშშ დოლარი შეადგინა, რაც 14.2 პროცენტით აღემატება გასული წლის ანალოგიური პერიოდის მაჩვენებელს.
ადგილობრივმა ექსპორტმა (რეექსპორტის გარეშე) 902.2 მილიონი აშშ დოლარი შეადგინა, რაც მთლიანი ექსპორტის 44.8 პროცენტია. წინა წელთან შედარებით აღნიშნული მაჩვენებელი 4.9 პროცენტით არის გაზრდილი.
ქვეყნების მიხედვით, ყველაზე დიდი წილით რუსეთი ლიდერობს — 173.4 მილიონი აშშ დოლარით. მას მოსდევს თურქეთი (87.9 მლნ აშშ დოლარი) და ჩინეთი (77.8 მლნ აშშ დოლარი). მთლიანობაში, საქართველოს ადგილობრივი ექსპორტის 68.9 პროცენტი სწორედ ამ ათ უმსხვილეს სავაჭრო პარტნიორ ქვეყანაზე მოდის.
სასაქონლო ჯგუფების მიხედვით, ყველაზე დიდი წილით ადგილობრივ ექსპორტში ძვირფასი ლითონების მადნები და კონცენტრატები გამოირჩევა — 96.3 მილიონი აშშ დოლარით, რაც მთლიანი ექსპორტის 10.7 პროცენტს შეადგენს. მეორე ადგილს იკავებს ყურძნის ნატურალური ღვინოები (71.5 მლნ დოლარი, 7.9%), ხოლო მესამეზეა სპირტიანი სასმელები (63.6 მლნ დოლარი, 7.1%).
