თბილისში დღეს დაგეგმილ რუსულ მარშს ბათუმის რესურსცენტრის დირექტორი, პედაგოგებთან ერთად დაესწრება. გოჩა დავითაძე მასწავლებლების ორგანიზებას პირადად ახდენდა, ფაქტის ამსახველი ფოტო “აჭარა თაიმსმა” განათლების სამინისტროსთან გადაიღო.
რუსულ მარშზე დასასწრებად პედაგოგები აჭარის თითქმის ყველა სკოლიდან წავიდნენ, მათ შორის არიან განათლების სამინისტროს თანამშრომლებიც.
ინფორმაციისთვის: თბილისში, ბოლო რამდენიმე კვირაა მასშტაბური საპროტესტო აქციები იმართება. საზოგადოების დიდი ნაწილი რუსულ კანონს ეწინააღმდეგება. “ოცნებამ” კი კონტრ აქცია რამდენიმე დღის წინ ჩანიშნა.
