გარემოს ეროვნული სააგენტოს ინფორმაციით, 3 და 4 იანვარს საქართველოში მოსალოდნელია ჰაერის ტემპერატურის მკვეთრი დაცემა. პროგნოზის მიხედვით, კოლხეთის დაბლობზე ზოგან ღამით ტემპერატურა შესაძლოა -8 გრადუსამდე დაეცეს, ხოლო შიდა ქართლში -17 გრადუსს მიაღწიოს.
სპეციალისტების შეფასებით, მოსალოდნელმა ძლიერმა ყინვებმა შესაძლოა მნიშვნელოვნად დააზიანოს სუბტროპიკული კულტურები და ვაზის ნარგავები.
ამასთან, ყინვისა და ლიპყინულის გამო შესაძლებელია შეიზღუდოს საავტომობილო გზებისა და მაგისტრალების ცალკეული მონაკვეთები, ასევე გაჩნდეს შემოყინულობა ელექტროგადამცემ ხაზებზე. გარემოს ეროვნული სააგენტო საფრთხის დონეს საშუალოდ აფასებს.
