Ajaratimes.ge-ის ექსკლუზიური ინფორმაციით, ბათუმის მუნიციპალური ინსპექციის ევაკუატორს პირადი მიზნებისთვის იყენებენ. წყარო უწყებიდან გვიყვება, რომ მსგავსი ფაქტები ხშირია და დირექტორის ერთპიროვნული გადაწყვეტილებით ბიუჯეტის ფული იფლანგება.
წყარომ ფაქტის დამადასტურებელი ფოტო-ვიდეო მასალა მოგვაწოდა. კადრებიდან ირკვევა, რომ დღეს, ინსპექციის ევაკუატორმა ბათუმიდან ქობულეთში მანქანის ტრანსპორტირება უზრუნველყო.
Ajaratimes.ge-ის ინფორმაციით, მანქანა, რომლის ტრანსპორტირება ბათუმის ფარგლებს გარეთ განხორციელდა პოლიციის მაღალჩინოსანს ეკუთვნის. ავტომობილის მფლობელი ბათუმის მუნიციპალური ინსპექციის დირექტორის, არჩილ კონცელიძის მეგობარია. ჩვენი ინფორმაციით, ავტომობილი ა.ტ. ეკუთვნის.
ბათუმის მუნიციპალური ინსპექციაში გვითხრეს, რომ კომენტარის გაკეთების შემთხვევაში დაგვიკავშირდებიან. Ajaratimes.ge თემაზე მუშაობას აგრძელებს.
