პრემიერ-მინისტრის გადაწყვეტილებით, არჩევნებამდე 5 თვით ადრე, მოქალაქეებს კოვიდპანდემიის დროს დაკისრებული ჯარიმები ჩამოაწერებათ.
ირაკლი კობახიძის თქმით, კერძოდ, ჯარიმისგან გათავისუფლდება 1 855 ფიზიკური და 38 იურიდიული პირი.
„უკვე რამდენიმე წელია, ჩვენს მოქალაქეებს რჩებათ ჯარიმები, რომელთა ამოღება, ჩვენი აზრით, სრულიად არაგონივრული იქნებოდა, აქედან გამომდინარე, მთავრობა მიიღებს გადაწყვეტილებას, ჯარიმების განულებასთან დაკავშირებით. წინადადება ჯანდაცვის სამინისტრომ მოამზადა.
ჯარიმისგან გათავისუფლდება 1 855 ფიზიკური და 38 იურიდიული პირი. თანხის ჯამური მოცულობა იქნება დაახლოებით 5 მილიონ 600 ათასი ლარი“, – განაცხადა ირაკლი კობახიძემ.
