“ნაციონალური მოძრაობის” წევრები ხელვაჩაურის მუნიციპალიტეტის მერს მიმართავენ. ისინი სოციალურად დაუცველებისთვის 1 000 ლარიან დახმარებას ითხოვენ. პარტიის წევრებმა დღეს გამართულ ბრიფინგზე განაცხადეს, რომ ფინანსურ დახმარებას ის ბენეფიციარები იმსახურებენ, რომელთა სარეიტინგო ქულა 53 000 არ აღემატება.
მამუკა ჯევაიშის თქმით, ადგილობრივები უსახსრობის გამო, ზამთარს რთულ პირობებში ხვდებიან. საკრებულოს დეპუტატის ინფორმაციით, სოციალურად დაუცველებს შეშითა და საწვავით მომარაგებას დაჰპირდნენ, თუმცა ისინი მოტყუებულები დარჩნენ.
ოპოზიციას ხელვაჩაურის მერიაში წერილობით უპასუხეს.
“სათბობი ბრიკეტით დაკმაყოფილდება 375 ოჯახი, უკვე შეძენილია 222 ტონა ბრიკეტი. მოწყვლად ჯგუფებს, გასულ წელს ასევე გადაეცათ საშეშე მასალა. რაც შეეხება, ბრიკეტის გაცემას უახლოეს დღეებში დაიწყება მოქალაქეებზე გადაცემის პროცესი,” – მოგვწერეს ხელვაჩაურის მერიიდან.
