ხის მეჩეთების წარმოჩენასა და პოპულარიზაციის მიზნით ინტერაქტიული რუკა შეიქმნა. “რუკაზე დატანილია ხის მეჩეთების საუკეთესო ნიმუშები, რომლებიც გამოირჩევა თავიანთი ადგილმდებარეობით, ექსტერიერისა და მდიდარი ინტერიერის ურთიერთკავშირით, ასევე, ცალკეული არქიტექტურული დეტალების მაღალი მხატვრულობით,” – ვკითხულობთ ანოტაციაში.
აჭარის მეჩეთების რუკა ორგანიზაცია “სოლიდარობის თემის” ინიციატივით შეიქმნა. რუკის დიზაინის ავტორი სალომე გუგუნავაა, ხოლო ინტერაქტიულ რუკაზე ლაშა ბოლქვაძე მუშაობდა.
“მოცემული რუკა შექმნილია ყველა დაინტერესებული პირისთვის: არქიტექტორებისთვის, ხელოვნებათმცოდნეებისთვის, ტურისტებისთვის, ანთროპოლოგებისთვის და სხვა ადამიანებისთვის, რომლებსაც სურთ ნახონ ქართული ისლამური კულტურა აჭარაში. გაეცნონ ხეზე კვეთის და მხატვრობის შესანიშნავ ნიმუშებს,” – აცხადებენ არასამთავრობო ორგანიზაციაში.
ინფორმაციისთვის: აჭარაში 200-მდე მეჩეთია, მათგან 27-ს აქვს ძეგლის სტატუსი, 5 კი დანგრეულია.
აქვე დაგაინტერესებთ:
- “ჩაწიე კამერა” – თორნიკე რიჟვაძე არ პასუხობს კითხვას, როდის აშენდება ბათუმში მეჩეთი
- ღორის თავი მედრესეს კარებზე – მუსლიმების საჩივარზე ევროსასამართლომ დარღვევა დაადგინა
