ხულოს მუნიციპალიტეტში ძლიერი თოვლის, ქარბუქისა და ხილვადობის გაუარესების გამო, 24 და 25 თებერვალს საბავშვო ბაღებში სასწავლო-სააღმზრდელო პროცესი შეჩერდება.
“მუნიციპალიტეტის გადაწყვეტილება აღმზრდელთა და აღსაზრდელთა უსაფრთხოების უზრუნველყოფას ემსახურება. უამინდობის გამო გადაადგილება გართულებულია, რაც საბავშვო ბაღების ფუნქციონირებას პრობლემებს უქმნის,” — აცხადებენ მერიაში.
საბავშვო ბაღებში სწავლა სავარაუდოდ, 26 თებერვალს განახლდება.
ცნობისთვის: ხულოს მუნიციპალიტეტი აჭარაში ერთ-ერთი მაღალმთიანი რეგიონია, სადაც ზამთარში თოვლი გადაადგილებისა და ინფრასტრუქტურის მუშაობის სერიოზულ შეფერხებას იწვევს.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
