გარემოსდაცვითი ზედამხედველობის დეპარტამენტმა აჭარაში, კერძოდ ქობულეთისა და ქედის მუნიციპალიტეტებში, ხე-ტყის უკანონო მოპოვებისა და ტრანსპორტირების 2 შემთხვევა გამოავლინა.
შეამოწმეს ავტოსატრანსპორტო საშუალებები, რომლებითაც ხე-ტყის უკანონო გადატანა ხორციელდებოდა. გამოვლენილი სამართალდარღვევების შედეგად ამოღებულია სხვადასხვა სახეობის ხე-ტყის მორები.
დეპარტამენტის ინფორმაციით, სატრანსპორტო საშუალებები და უკანონოდ მოპოვებული მორი დაილუქა. სამართალდამრღვევ პირებზე შედგა შესაბამისი სამართალდარღვევის ოქმები და საქმე გადაეცა შესაბამის უწყებებს შემდგომი რეაგირების მიზნით.
