25 მაისს, ბათუმის ახალ ბულვარში მდებარე მულტიფუნქციური ვენიუ G17 ქართული სცენის გამორჩეულ არტისტს — ლელა წურწუმიას მასპინძლობს: მუსიკოსს, რომელმაც 90-იანი წლებიდან, სახასიათო ხმით, უნიკალური იმიჯით და ყოველ ჯერზე განსხვავებული პერფორმანსებით გააცნო მსმენელს თავი და სხვადასხვა თაობის აუდიტორიის მონუსხვას დღემდე საუკეთესოდ ახერხებს!
G17-ის კარი სტუმრებისთვის საღამოს 9 საათიდან გაიღება, ლელა & Chveni ბენდის შესრულების შემდეგ, სტუმრებისთვის მუსიკალურ ფონს ვენიუს რეზიდენტი დიჯეი Cheeky შექმნის.
G17 ბათუმის ახალ ბულვარში, ზღვაში შეჭრილ ხიდზე კონსტრუირებული კონცეპტუალური სივრცეა, რომელიც სავახშმო, ლაუნჯის, ბარის, სცენის და კაფის ჩანართებითაა დაგეგმარებული და სტუმრებს, რაფინირებული ვახშმისა და მუსიკის ცოცხალი შესრულების გამოცდილებასთან ერთად, სტუმარ-მასპინძლობის პერსონალიზირებულ მომსახურებებს და თანამედროვე ხელოვნების ნიმუშებით შექმნილ ინსტალაციებს სთავაზობს.
GTEM-ჯგუფში შემავალი სხვა ვენიუების მსგავსად, G17-ი ვიზიტორებს ცოცხალი შესრულების უპრეცედენტო შეგრძნებას ჰპირდება, ხმის და განათების სისტემების ისეთ საერთაშორისო მარკებთან თანამშრომლობით, როგორიცაა Clair Brothers, DiGiCo, SHURE-ის Axient Digital, Sennheiser; ხმის ინჟინერიის და განათების საერთაშორისო გუნდი კი გამოცდილია ისეთი მასშტაბის ვარსკვლავების შოუებზე, როგორიცაა თინა ტერნერი, ელტონ ჯონი, სტინგი, ჯენიფერ ლოპესი, შაკირა, Pink Martini, ანტონი რემოსი, ეროს რამაზოტი და ა.შ.
რეზერვაციებისა და სხვა კონსიერჟული მომსახურებებისთვის, დაუკავშირდით G17-ის Whatsapp-ასისტენტს: 511 44 17 17
Ონლაინ-რეზერვაციისთვის ეწვიეთ ბმულს: tkt.ge/LelaAndChveniBand
