17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა.
ეს დღე ადამიანის უფლებების ფართო შინაარსის იდეაზე დგას და ლგბტქი ადამიანების სტრუქტურული ჩაგვრისა და ცხოვრების ყველა სფეროდან სოციალური გარიყულობის აღიარებას მოითხოვს.
საქართველოში ლგბტქი ადამიანებისა და აქტივისტებისთვის ფუნდამენტური უფლებები, ხოლო უფრო ხილვადად, შეკრებისა და გამოხატვის თავისუფლება, ჩამორთმეულ უფლებას წარმოადგენს.
მესამე სექტორის შეფასებით, ლგბტქი+ თემს დღემდე არ აქვს საჯარო სივრცეში გამოხატვისა და შეკრების თავისუფლებით სარგებლობის შესაძლებლობა.
ამ დღეს იმართება ღირსების მარში, თუმცა წელს ორგანიზატორების გადაწყვეტილებით, ქვეყანაში არსებული ვითარების გამო, აქტივობები არ დაიგეგმა.
ინფორმაციისთვის: 17 მაისის თარიღი შერჩეულ იქნა ჯანმრთელობის მსოფლიო ორგანიზაციის გადაწყვეტილების აღსანიშნავად, 1990 წელს, რომელმაც ჰომოსექსუალობა ქცევითი დარღვევების სიიდან ამოიღო.
