მიმდინარე წლის განმავლობაში ბათუმის მუნიციპალური ინსპექციის სამშენებლო ზედამხედველობის განყოფილებამ 189 სამშენებლო ობიექტი გადაამოწმა. მათ შორის 46 შემთხვევაში უნებართვო მშენებლობის ფაქტი დადგინდა, ხოლო 12 ობიექტზე გამოვლინდა სანებართვო პირობების დარღვევა.
მონიტორინგის ფარგლებში:
- 126 ობიექტი შემოწმდა მშენებლობის ეტაპის დადასტურების მიზნით;
- 46 შემთხვევაში ინსპექციამ სამშენებლო სამართალდარღვევის საქმისწარმოება დაიწყო უნებართვო სამუშაოების გამო;
- 12 ობიექტზე დადგინდა ნებართვით დადგენილი პირობების დარღვევა;
- 5 შემთხვევაში საქმისწარმოება შეწყდა, რადგან სამშენებლო სამუშაოები ან შეჩერდა, ან კანონიერი საფუძველი გამოიკვეთა;
- 58 ობიექტზე სამართალდარღვევის საქმისწარმოება ამ ეტაპზე კვლავ გრძელდება.
მუნიციპალური ინსპექციის ინფორმაციით, უსაფრთხოების მონიტორინგის განყოფილება ყოველდღიურად ახორციელებს სამშენებლო ობიექტებზე უსაფრთხოების ნორმების დაცვაზე ზედამხედველობას.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
