Meta-ს ცნობით, 76 Facebook ანგარიში, 30 გვერდი, და Instagram-ის 11 ანგარიში წაშალეს. ისინი Meta-ს პოლიტიკას არღვევდნენ. ირკვევა, რომ აღნიშნული გვერდები რუსეთიდან იმართებოდა. სამიზნე კი საქართველო, სომხეთი და აზერბაიჯანი იყო.
საქართველოში ეს გვერდები და ანგარიშები ბოლო პერიოდში რუსულ კანონთან დაკავშირებით გამართული დემონსტრაციების საწინააღმდეგო პოსტებს ავრცელებდნენ.
“მიზანმიმართული კამპანიის ფარგლებში, ისინი დემონსტრანტებს აკრიტიკებდნენ, ხოლო მმართველ “ქართული ოცნების” პარტიას უჭერდნენ მხარს. გარდა ამისა, აზერბაიჯანში ეს ქსელი ადგილობრივ მოვლენებს ეხმაურებოდა და დასავლეთს აკრიტიკებდა, ხოლო სომხეთში იგივე ანგარიშები პოლიტიკასთან დაკავშირებით ავრცელებდნენ პოსტებს, რომელიც პრორუსულ კომენტარებს შეიცავდა.
ამ გვერდებიდან ზოგიერთს დაახლოებით 3 800-მდე გამომწერი ჰყავდა. ხოლო მათ მიერ სარეკლამო კამპანიებზე დახარჯული თანხის ოდენობა $77 000-ს აღწევდა,” – წერია Meta-ს მიერ გამოქვეყნებულ ანგარიშში.
