ბათუმში, 15 თებერვალს, გაიმართა საპროტესტო მარში, რომლის მონაწილეები რუსეთის გავლენასა და დიქტატურას ეწინააღმდეგებიან. თავდაპირველად მონაწილეები ცენტრალური პარკის კოლონადებთან შეიკრიბნენ, შემდეგ კი მსვლელობით აჭარის მთავრობასთან გადაინაცვლეს. მოგვიანებით დემონსტრანტებმა ბათუმის ქუჩებში მსვლელობა განაგრძეს.
აქციის მონაწილეები მოითხოვენ დაკავებულთა გათავისუფლებას და ახალი არჩევნების ჩატარებას. მარში მშვიდობიანი იყო. ხალხი “ქართულ ოცნებას” მოუწოდებს დაუყოვნებლივ შეწყვიტოს რუსეთის გავლენის ზრდა და უზრუნველყოს დემოკრატიული პროცესების აღდგენა.
https://www.facebook.com/ajaratimes/videos/3579541432338158
https://www.facebook.com/ajaratimes/videos/9262255930497085/
