“სასურველი იქნება რომ, როგორც ჩვენ ვთვლით ანგარიშვალდებულებას საზოგადოების წინაშე ისე იქცეოდეს ოპოზიცია,” – ამის შესახებ აჭარის უმაღლესი საბჭოს თავმჯდომარემ ბიუროს სხდომაზე განაცხადა.
განსაზღვრული დროის ამოწურვის მიუხედავად, დოკუმენტი ოპოზიციის არცერთ წარმომადგენელს გააჩნია. დავით გაბაიძის თქმით, მმართველი პარტიის წარმომადგენლებმა გაწეული საქმიანობის შესახებ ანგარიშები უკვე წარადგინეს, რაც საბჭოს ვებგვერდზე განთავსდება.
“გასულ წელს დავიწყეთ ეს პროცედურა, ღია მმართველობის საბჭოს ფარგლებში, არასამთავრობო ორგანიზაციებთან თანამშრომლობის საფუძველზე. დეპუტატებისა და ინსტიტუციის მიმართ სანდოობა, რომ გაიზარდოს შევთანხმდი ანგარიშების მომზადებისა და გამოქვეყნების წესზე. ამ ეტაპზე მხოლოდ უმრავლესობის წევრებმა წარმოადგინეს საქმიანობის ანგარიში. ინფორმაცია არ მაქვს ოპოზიცია რატომ არ წარმოადგინა დოკუმენტი. ეს არის უმაღლესი საბჭოს წევრების ვალდებულება, რაც ყველამ უნდა გაითვალისწინოს,” – განაცხადა დავით გაბაიძემ “აჭარა თაიმსთან” საუბრისას.
ბიუროს სხდომა ოპოზიციიდან მხოლოდ მამული სურმანიძე ესწრებოდა, რომელმაც გვითხრა ამ თემაზე განმარტებას არ გააკეთებს.
ინფორმაციისთვის: აჭარის უმაღლესი საბჭოს რეგლამენტის მე-9 მუხლის დ1 ქვეპუნქტის თანახმად, საბჭოს წევრი, ყოველი წლის შედეგების მიხედვით, საგაზაფხულო სესიის დაწყებიდან არაუგვიანეს 2 კვირისა, ბიუროს წარუდგენს წერილობით ანგარიშს გაწეული საქმიანობის შესახებ, რომელიც ქვეყნდება ვებგვერდზე.
