“რეგიონები საქართველოსთვის” – ბათუმში, ახალი პოლიტიკური პარტიის, პრეზენტაცია გაიმართა. აჭარის ორგანიზაციას როინ ნიჟარაძე უხელმძღვანელებს. როგორც ყრილობაზე ითქვა, ახალი მოძრაობის მთავარი მიზანი არსებული პროცესის გაჯანსაღება და ახალი სახეების წარმოჩენაა. რეგიონული საკითხებისთვის პირორიტეტის მინიჭება და დეცენტრალიზაცია – სწორედ ესაა ახალი პოლიტიკური მოძრაობის მთავარი ინტერესი.
“ისეთ რთულ და გარდამტეხ პერიოდში, როდესაც მოსახლეობის უდიდეს ნაწილს არც მმართველი გუნდი მოსწონს და არც ოპოზიციური პარტიები ეიმედება. ვიაზრებთ რა ჩვენს მოქალაქეობრივ პასუხისმგებლობას, მივიღეთ გადაწყვეტილება დაფუძნდეს თავისი წარმომადგენლობით ერთ-ერთი მრავალფეროვანი პარტია ,,რეგიონები საქართველოსთვის,” – ამბობენ პარტიის ლიდერები.
პარტიის პოლიტსაბჭოს წევრის თქმით, მათი მთავარი მიზანი იმ საჭიროებებსა და პრობლემებზე ღიად საუბარია, რომელიც პოლიტიკური პოლარიზაციის გამო მიჩქმალულია. ზაზა მიქელაძეს მიაჩნია, რომ დღის წესრიგში რეგიონები და აქტუალური საკითხები უნდა დადგეს.
