AJARATIMES.GE-ის ინფორმაციით, ბათუმთან ახლოს, სოფელ სახალვაშოში ხანძარია. ცეცხლი ეკალ-ბარდზეა გავრცელებული. ცეცხლი სავარაუდოდ, ადგილობრივებმა დაანთეს, რადგან ტერიტორია სავარგულებისთვის გამოიყენება. შემთხვევის ადგილზე მეხანძრე-მაშველები იმყოფებიან.
განახლება: ხანძარი ამ დროისთვის (21:30 საათი) ლიკვიდირებულია.
დღეს ხანძარი იყო ჩაქვის ტერიტორიაზეც – წაიკითხეთ ვრცლად
ქედაში კი ხანძარი საცხოვრებელ კორპუსში გაჩნდა. დეტალები ნახეთ აქ.
ინფორმაციისთვის: მიწის ნაკვეთზე მარცვლოვანი ნაწვერალის გადაწვა ჯარიმას ითვალისწინებს. კანონის თანახმად, მიწის ნაკვეთზე არსებული მარცვლოვანი მცენარეებისთვის (მათ შორის მათი ნაწვერალისთვის) ცეცხლის წაკიდებისთვის დაწესებულია ადმინისტრაციული ჯარიმა – ფიზიკური პირებისთვის თითოეულ ჰექტარზე 1 000 ლარის, იურიდიული პირებისთვის კი – 2 000 ლარის ოდენობით. აღნიშნული სანქციები გამოიწვევს მიწის ნაკვეთის მესაკუთრის, მფლობელი ფიზიკური პირის, ან იურიდიული პირის დაჯარიმებას.
