ბათუმის საკრებულოს დღევანდელი სხდომა წუთიერი დუმილით დაიწყო. დეპუტატებმა პატივი მიაგეს იმ მეეზოვეს, რომელიც გასულ კვირას, სამსახურეობირივი მოვალეობის შესრულებისას გარდაიცვალა. სხდომაზე აკაკი გვიანიძემ მეეზოვების დაფასება და ხელფასების გაზრდა მოითხოვა. პარტია საქართველოსთვის” წევრმა განაცხადა, რომ მათი ანაზღაურება მცირეა.
“მათი ანაზღაურება შრომის ადეკვატური არაა. ის 10 პროცენტიანი ზრდა, რაც 2024 წლიდან აქვთ რეალურად არაა საკმარისი. გაძვირებული პროდუქტების ფონზე ანაზღაურება მიზერულია. გარდა ამისა, საკრებულოს მოვუწოდებ მოვიფიქროთ სამართლებრივი გზა, რომლის მიხედვითაც ბათუმელი მეეზოვის დღის დაწესება მოხდება. ამ დღის დაწესება კი დამატებით ამ ადამიანების შრომის დაფასება იქნება,” – განაცხადა აკაკი გვიანიძემ საკრებულოს სხდომაზე.
პარტია “საქართველოსთვის” წევრის ინიციატივა და განცხადება საკრებულოს უმრავლესობამ უკომენტაროდ დატოვა.
