ბათუმში, ევროპის მოედანზე გამართული საახალწლო კონცერტი პროტესტის ფონზე წარიმართა. ღონისძიების მსვლელობისას, სადაც სცენაზე ნუცა ბუზალაძე გამოვიდა, სამოქალაქო აქტივისტებმა საზოგადოების ყურადღება კიდევ ერთხელ მიიქციეს.
აქციის მონაწილეებმა მოედანზე პლაკატები მიიტანეს, რომლებზეც გამოსახული იყვნენ აქციების დროს დასახიჩრებული და დაკავებული ადამიანები. მათ სცენის მიმართულებით ხმამაღალი შეძახილებით გამოხატეს უკმაყოფილება: „სირცხვილო!“
ნუცა ბუზალაძე, რომელიც წელს აქტიურად მონაწილეობს სახელმწიფო კონცერტებში, საზოგადოების ნაწილის მხრიდან კრიტიკის სამიზნე კიდევ ერთხელ გახდა. საპასუხოდ, მომღერალმა აქციის მონაწილეებს სცენიდან მიმართა:
„მე თქვენ ყურადღებას არ მოგაქცევთ. თქვენს საქციელს სირცხვილი ჰქვია! თქვენ ეს ყველაფერი ფულის სანაცვლოდ გააკეთეთ.“
აქციის მონაწილეებმა მომღერალს უპასუხეს: „ფული შენ აიღე, ჩვენ არა!“
ინფორმაციისთვის: ნუცა ბუზალაძე “ქართული ოცნების” ფავორიტი მომღერალია, შესაბამისად ის ყველა იმ ღონისძიებაზე მღერის, რომელიც ბიუჯეტით ფინანსდება. მომღერალს ყველა კონცერტის ჩატარება პროტესტის ფონზე უწევს.
https://www.facebook.com/share/r/17zzA8E9hQ/?mibextid=wwXIfr
