დიდი ბრიტანეთის მთავრობამ მოსამართლეებს, ლევან მურუსიძესა და მიხეილ ჩინჩალაძეს სანქციები დაუწესა. ამის შესახებ განცხადება ქვეყნის მთავრობამ გაავრცელა.
როგორც განცხადებაში აღნიშნულია, სერიოზული ეჭვი არსებობს, რომ მიხეილ ჩინჩალაძე კორუფციაში მონაწილეობს ან მონაწილეობდა. რაც შეეხება ლევან მურუსიძეს, მასთან დაკავშირებით ნათქვამია, რომ არსებობს ეჭვი, რომ იგი კორუფციაში იყო ჩართული.
„როგორც თბილისის სააპელაციო სასამართლოს თავმჯდომარემ, უცხოელმა თანამდებობის პირმა, რომელიც ახორციელებს აღმასრულებელ ან სასამართლო ფუნქციებს, მან მიიღო ფინანსური სარგებელი საჯარო ფუნქციების არაჯეროვნად შესრულებისთვის, კერძოდ, თბილისის სააპელაციო სასამართლოს თავმჯდომარის თანამდებობის გავლენის არასათანადო გამოყენებით, რათა სასამართლო დანიშვნები და გადაწყვეტილებები „ქართული ოცნების“ სასარგებლოდ ყოფილიყო“, – აღნიშნულია განცხადებაში.
ცნობისთვის: დიდი ბრიტანეთის გლობალური ანტიკორუფციული სანქციების აქტი ითვალისწინებს პირადი და ფინანსური რესურსების გაყინვას.
