ქობულეთის მუნიციპალიტეტი 2023 წლის საახალწლო ღონისძიებების ორგანიზებაში 250 000 ლარს დახარჯავს. AJARATIMES.GE-ის ინფორმაციით, ადგილობრივთა განწყობაზე ოკუპანტების რჩეული მომღერალი, მეგი გოგიტიძე იზრუნებს. ირკვევა, რომ ზღვისპირა ქალაქი წლის მთავარ დღესასწაულს 4 დღიანი პროგრამით შეხვდება. მეგი გოგიტიძის კონცერტის გარდა, სხვა შემსრულებლებიც იქნებიან წარმოდგენილები.
საახალწლო ღონისძიებების პროგრამა ასე გამოიყურება:
- 27 დეკემბერს „მიქსტურა“;
- 30 დეკემბერს მეგი გოგიტიძე;
- 31 დეკემბერს ქუჩის ბიჭები;
- 2 იანვარს „რერო“;
საჯარო ინფორმაცია, რომელიც AJARATIMES.GE-იმ მუნიციპალიტეტიდან გამოითხოვა აღნიშნულია, რომ მერიამ ქუჩების მორთვაში 200 000 ლარი დახარჯა. “არსებულ განათებებს ემატება ახალი საახალწლო განათებები და დეკორაციები,”- ვკითხულობთ დოკუმენტში.
