ბათუმში, საახალწლო სამზადისი უკვე დაიწყო. 25 დეკემბრიდან 7 იანვრის ჩათვლით ზღვისპირა ქალაქში საზეიმო ღონისძიებები გაიმართება. ბიუჯეტიდან ქალაქის მერიამ ნახევარ მილიონამდე ლარი გამოყო.
შობა-ახალი წლის დღესასწაულთან დაკავშირებული ღონისძიებები ევროპის მოედანზე გაიმართება და მასზე კულტურის ცენტრი იქნება პასუხისმგებელი. როგორც, AJARATIMES.GE-ისთვისაა ცნობილი, ბათუმის მერიასა და კულტურის ცენტრს შორის ხელშეკრულება პირდაპირი შესყიდვის წესით, ტენდერის გარეშე გაფორმდა.
კულტურის ცენტრი საზეიმო ღონისძიებებში მონაწილეების ჰონორარებისთვის ჯამში 448 ათას 86 ლარს დახარჯავს. საერთო თანხიდან ყველაზე მეტს, 177, 933, 67 ლარს, კულტურის ცენტრი 25-29 დეკემბერს დახარჯავს. საკონცერტო ღონისძიებებს ბენდი რანინა არანაკლებ 1,20 სთ-იანი პროგრამით გახსნის.
სრული ჩამონათვალი, ვინ იმღერებს საახალწლო კონცერტზე ნახეთ აქ:[Best_Wordpress_Gallery id=”3″ gal_title=”მონაწილეების სია”]
2023 წლის 25 დეკემბრიდან, 2024 წლის 7 იანვრამდე, ევროპის მოედანზე კულტურული და სანახაობრივი კონცერტები გაიმართება. იქნება წარმოდგენილი სხვადასხვა თემატიკის სივრცეები, შესაბამისი მორთულობებით. მათ შორის, გამოფენილი იქნება გამოფენებისთვის განკუთვნილი სტენდები, სადაც მოქალაქეებს ნივთების შეძენა შეეძლებათ.
წინა წლების მსგავსად, ევროპი მოედანზე საბავშვო გასართობი ატრაქციები და მრავალფეროვანი აქტივობები მოეწყობა. ასევე, დაიდგმება თეატრალური პერფომანსები.
