საგამოძიებო მოქმედებების შედეგად, ნარკოდანაშაულის ბრალდებით უცხო ქვეყნის 7 მოქალაქე დააკავეს. დაკავებულები არიან მოლდოვასა და თურქეთის რესპუბლიკის მოქალაქეები, რომლებიც, გამოძიების ინფორმაციით, განსაკუთრებით დიდი ოდენობით ნარკოტიკული საშუალებების და ფსიქოტროპული ნივთიერებების უკანონო შეძენა-შენახვასა და რეალიზაციას ცდილობდნენ.
შინაგან საქმეთა სამინისტროს ინფორმაციით, დაკავებულები არიან:
- მოლდოვას რესპუბლიკის მოქალაქეები: დ.ს. (დაბადებული 1980 წელს), ს.ს. (დაბ. 1989) და ა.ჩ. (დაბ. 1973)
- თურქეთის რესპუბლიკის მოქალაქეები: ო.გ. (დაბ. 1999), მ.ჩ. (დაბ. 2001), ფ.ს. (დაბ. 1999) და მ.ი. (დაბ. 2005)
სამართალდამცველებმა ბრალდებულების პირადი და საცხოვრებელი ბინების ჩხრეკის შედეგად, ნივთმტკიცების სახით ამოიღეს განსაკუთრებით დიდი ოდენობით ნარკოტიკული საშუალებები და ფსიქოტროპული პრეპარატები, მათ შორის:
- „მეთადონი“
- „მეფედრონი“
- ფსიქოტროპული ნივთიერება „პრეგაბალინი“
- ნარკოტიკული საშუალება „გამომშრალი მარიხუანა“
ასევე, ამოღებულია სპეციალურად მოწყობილი სათბურებიდან განსაკუთრებით დიდი ოდენობით კანაფის მცენარეები, ნარკოტიკული საშუალებების დაფასოებისა და კულტივირებისთვის საჭირო მასალები და ელექტრო სასწორები.
გამოძიება მიმდინარეობს საქართველოს სისხლის სამართლის კოდექსის 260-ე, 19-260-ე ტერცია, 261-ე, 265-ე და 273 პრიმა მუხლებით, რაც 20 წლიდან უვადო თავისუფლების აღკვეთას ითვალისწინებს.
შინაგან საქმეთა სამინისტრო აცხადებს, რომ გამოძიება გრძელდება, მათ შორის დანაშაულში მონაწილე სხვა პირთა გამოვლენისა და ნარკოტიკების შესაძლო მიწოდების არხების დადგენის მიმართულებით.
