ხელვაჩაურის მუნიციპალიტეტის სოფელ ახალშენში მოსახლეობა საპროტესტო აქციას მართავს. ადგილობრივები ინერტული მასალის მოპოვებას ეწინააღდეგებიან. სოფლის მოსახლეობა AJARATIMES.GE-ის უყვება რომ კარიერის მოპოვებაზე ლიცენზია 5 წლით გაიცა.
მოსახლეობა შიშობს, რომ სოფელში ღია კარიერის ფუნქციონირების შედეგად მათ სასმელი წყალი არ მიეწოდებათ, ასევე, სამუშაოები გარემოზე ნეგატიურად აისახება, სატვირთოების მოძრაობისას კი საავტომობილო გზა დაზიანდება.
სოფლის ცენტრში 200-მდე ადამიანია შეკრებილი. ისინი ადგილზე ხელისუფლების წარმომადგენლების მისვლას ითხოვენ.
აქციაზე “ნაციონალური მოძრაობის” წევრებიც იმყოფებიან. მიშა ბოლქვაძის თქმით, ხელისიფლება მოსახლეობას დაპირდა, რომ ისინი კარიერის მოპოვებაზე ლიცენზიას არ გასცემდნენ, რაც სიმართლეს არ შეესაბამება.
