საქართველოში თეატრისადმი სიყვარული, რომ უფრო და უფრო იზრდება, სასცენო სივრცის მრავალფეროვნება და სპექტაკლის „ბილეთების კრიზისიც“ ცხადჰყოფს. წლებია, დიდი თუ პატარა თეატრები მაყურებლებს დაუვიწყარ დადგმებს სთავაზობენ. ქართველი რეჟისორები მნიშვნელოვანი ღონისძიებების დაგეგმვას არ წყვეტენ და თეატრის მოყვარულებს ახალ შემოქმედებებს სთავაზობენ. სტატიაში გიზიარებთ სპექტაკლებს, რომლებიც დეკემბრის თვეში არ უნდა გამოტოვოთ:
1902 წელს ბათომში [ორ მოქმედებად]
- 07 დეკემბერი, ხუთშაბათი, 19:00 სთ
- 17 დეკემბერი, კვირა, 19:00 სთ
მიხეილ ბულგაკოვის „ბათომი“ გადმოგვცემს XX–ე საუკუნის დასაწყისის შფოთით, რევოლუციური განწყობებით სავსე ეპოქას, როდესაც პოლიტიკურ ასპარეზზე გამოვიდა ისეთი მნიშვნელოვანი ფიგურა, როგორიც იყო იოსებ სტალინი. რა კვალი დატოვა მან ბათუმში? როგორ, რა სახით, მოუტრიალდა იოსებ სტალინი მშვიდ, ზღვისპირა ქალაქს? – ამას სპექტაკლში იხილავთ, რომელსაც დადგამს ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელი, ალექსანდრე ქანთარია.
ბანკომატი [ტრაგიკომედია ერთ მოქმედებად]
- 09 დეკ, შაბათი, 19:00
- 24 დეკ, კვირა, 19:00
ქართველი ქალი იტალიაში უვლის მოხუცს, რათა ქალმა არჩინოს თავისი ოჯახი. ეს დღევანდელი რეალობაა. თუ რა მოვლენები ვითარდება საქართველოში, ამ ქალბატონის ოჯახში, დიდი ოსტატობოით და სევდანარევი ისტორიით გვიყვება ნიკოლოზ საბაშვილი თავის პიესაში.
სოფელსა შენსა [ორ მოქმედებად]
- 10 დეკ, კვირა, 19:00
მძაფრი სიუჟეტი, მკაფიოდ დახატული პერსონაჟები, ამბის ჯავახიშვილისეული სიღრმე, სოციუმის ფართო სპექტრი, ნათლად საგრძნობი სიმბოლიკა, რაც საქართველოს ბედზე დააფიქრებს მაყურებელს, ესაა ის შემოქმედებითი ხიბლი და ინტრიგა, რასაც მომავალი სპექტაკლი გვთავაზობს.
მილიონერის ანდერძი [კომედია ორ მოქმედებად]
- 12 დეკ, სამშაბათი, 19:00
პიერ შენოს „მილიონერის ანდერძი“ ჟანრულად კომედია – ფარსია. რა კომიკური თავგადასავლის მომსწრენი შეიძლება გავხდეთ, როცა მილიონერი კვდება, მაგრამ მოულოდნელად ისევ გაცოცხლდება. ვის უტოვებდა იგი ანდერძით თავის ქონებას? რა გადაწყვეტილებამდე მიდის მილიონერი გაცოცხლების შემდეგ? აი, ამ სახალისო, დამაფიქრებელ ისტორიაზე მოგვითხრობს რეჟისორი მალხაზ ასლამაზაშვილი ბათუმის სახელმწიფო დრამატული თეატრის სცენიდან.
სპექტაკლებს ბათუმის ილია ჭავჭავაძის სახელობის სახელმწიფო დრამატულ თეატრში ნახავთ.
